0:00
/
1ܐܝܼܢܵܐ ܒܚܵܕَܒ̣ܫܹܒܵܐ ܐَܬܹܐܠܵܗ̇ ܡܲܪܝܲܡ ܡܲܓ̣ܕܠܵܝܬܵܐ ܒܨܲܦܪܵܐ: ܗܵܠܵܐ ܚܸܫܟܵܐ: ܠܒܹܝܬ ܩܒ̣ܘܼܪܵܐ: ܘܚܙܹܠܵܗ̇ ܠܟܹܐܦܵܐ ܫܩܝܼܠܵܐ ܡ̣ܢ ܩܲܒ̣ܪܵܐ. 2ܘܪܚܸܛܠܵܗ̇ ܘܐَܬܹܐܠܵܗ̇ ܠܟܸܣ ܫܸܡܥܘܿܢ ܟܹܐܦܵܐ: ܘܠܟܸܣ ܕܗ̇ܘ ܬܲܠܡܝܼܕܵܐ ܐ݇ܚܹܪ݇ܢܵܐ ܕܟܹܐ ܡܲܚܸܒ ܗ݇ܘܵܐ ܝܼܫܘܿܥ: ܘܐܵܡܪܵܗ̇ ܐܸܠܵܝܗܝ: ܫܩܸܠܗܘܿܢ ܠܡܵܪܲܢ ܡܗ̇ܘ ܒܹܝܬ ܩܒ̣ܘܼܪܵܐ: ܘܠܹܐ ܝܘܵܢ ܒܝܼܕܵܥܝܵܐ ܐܲܝܟܵܐ ܡܘܼܬܒ̣ܘܹܗܝ ܝܢܵܐ. 3ܘܦܠܸܛܠܹܗ ܟܹܐܦܵܐ ܘܗ̇ܘ ܬܲܠܡܝܼܕܵܐ ܐ݇ܚܹܪ݇ܢܵܐ: ܘܐَܙܸܠܗܘܿܢ ܠܵܒܹܝܬ ܩܒ̣ܘܼܪܵܐ. 4ܘܪܚܸܛܠܗܘܿܢ ܬܸܪ̈ܘܵܝܗܝ ܡܸܚܕܵܕܹ̈ܐ: ܐܝܼܢܵܐ ܗ̇ܘ ܬܲܠܡܝܼܕܵܐ ܪܚܸܛܠܹܗ ܡܩܵܕَܡ ܟܹܐܦܵܐ: ܘܐَܬܹܐܠܹܗ ܩܵܕَܡܵܝܵܐ ܠܒܹܝܬ ܩܒ̣ܘܼܪܵܐ. 5ܘܟܸܦܠܹܗ ܚܙܹܐܠܹܗ ܟܸܬܵܢܹ̈ܐ ܡܘܼܬܒܹܐ: ܐܝܼܢܵܐ ܥܒܼܵܪܵܐ ܠܵܐ ܥܒܼܸܪܹܗ. 6ܐܝܼܢܵܐ ܐَܬܹܐܠܹܗ ܫܸܡܥܘܿܢ ܟܹܐܦܵܐ ܒܵܬَܪܹܗ ܘܥܒܼܸܪܹܗ ܠܒܹܝܬ ܩܒ̣ܘܼܪܵܐ: ܘܚܙܹܐܠܹܗ ܟܸܬܵܢܹ̈ܐ ܡܘܼܬܒܹܐ. 7ܘܝܵܠܸܚܬܵܐ: ܗ̇ܝ ܕܝܼܗ݇ܘܵܐ ܒܪܹܫܹܗ: ܠܵܐ ܡܘܼܬܸܒ̣ܬܵܐ ܥܲܡ ܟܸܬܵܢܹ̈ܐ: ܐܸܠܵܐ ܟܘܼܪܡܸܟ̣ܬܵܐ ܒܢܲܦ̮ܫܵܗ̇ ܒܚܕܵܐ ܕܘܼܟܬܵܐ. 8ܗ̇ܝܓܵܗ ܥܒܼܸܪܹܗ ܐܘܼܦ ܗ̇ܘ ܬܲܠܡܝܼܕܵܐ ܐ݇ܚܹܪ݇ܢܵܐ ܕܐَܬܹܐܠܹܗ ܩܵܕَܡܵܝܵܐ ܠܒܹܝܬ ܩܒ̣ܘܼܪܵܐ: ܘܚܙܹܐܠܹܗ: ܘܗܘܼܡܸܢܹܗ. 9ܣܵܒܵܒ ܗܵܠܵܐ ܠܹܐ ܝܵܕܥܝܼ ܗ݇ܘܵܘ ܡ̣ܢ ܟܬܵܒܹ̈ܐ: ܕܘܵܓ̰ܸܒ ܝܼܗ݇ܘܵܐ ܐܸܠܹܗ ܠܸܩܝܵܡܵܐ ܡ̣ܢ ܡܝܼܬܹ̈ܐ. 10ܘܐَܙܸܠܗܘܿܢ ܬܲܠܡܝܼܕܹ̈ܐ ܡܸܢَܕܪܸܫَ ܠܕܘܼܟܬܵܝܗܝ. 11ܐܝܼܢܵܐ ܡܲܪܝܲܡ ܟܠܝܼܬܵܐ ܗ݇ܘܵܐ ܠܟܸܣ ܩܲܒ̣ܪܵܐ ܠܒܲܕܲܪ ܘܒܸܒܟ̣ܵܝܵܐ: ܘܟܲܕ ܟܸܦܠܵܗ̇ ܚܸܪܵܗ̇ ܓܵܘ ܩܲܒ̣ܪܵܐ. 12ܘܚܙܹܠܵܗ̇ ܬܪܹܝ ܡܲܠܲܐܟܹ̈ܐ ܒܓ̰ܘܼܠܹ̈ܐ ܚܘܵܪܹ̈ܐ: ܝܬܝܼܒܹܐ ܚܲܕَ ܡ̣ܢ ܪܹܫܹܗ ܘܚܲܕَ ܡ̣ܢ ܐܲܩܠܘܼ̈ܗܝ ܐܲܝܟܵܐ ܕܡܘܼܬܒ̣ܵܐ ܗ݇ܘܵܐ ܦܲܓ̣ܪܹܗ ܕܝܼܫܘܿܥ. 13ܘܐܵܡܪܝܼ ܝ݇ܠܵܗ̇: ܒܲܟ̣ܬܵܐ: ܩܵܡܘܿܕܝܼ ܒܸܒ̇ܟ̣ܵܝܵܐ ܝܘܲܬܝ: ܐܵܡܪܵܗ̇ ܐܸܠܵܝܗܝ: ܣܵܒܵܒ ܕܫܩܸܠܗܘܿܢ ܠܡܵܪܝܼ: ܘܠܹܐ ܝܘܸܢ ܒܝܼܕܵܥܝܵܐ ܐܲܝܟܵܐ ܡܘܼܬܒ̣ܘܼܗܝ ܝܢܵܐ. 14ܐܵܗܵܐ ܐ݇ܡܸܪܵܗ̇: ܘܕܸܪܵܗ̇ ܠܒܵܬَܪܘܼܗ̇: ܘܚܙܹܠܵܗ̇ ܠܝܼܫܘܿܥ ܕܟܸܠܝܵܐ: ܘܠܹܐ ܝܵܕܥܵܐ ܗ݇ܘܵܐ ܕܝܼܫܘܿܥ ܗ݇ܘܵܐ. 15ܐܵܡܸܪ ܝ݇ܠܵܗ̇ ܝܼܫܘܿܥ: ܒܲܟ̣ܬܵܐ: ܩܵܡܘܿܕܝܼ ܒܸܒܟ̣ܵܝܵܐ ܝܘܲܬܝ: ܘܠܡܵܢܝܼ ܒܸܛܲܥܝܵܐ ܝܘܲܬܝ: ܐܝܼܢܵܐ ܗ̇ܝ ܚܫܸܒ̣ܠܵܗ̇ ܕܢܵܛܲܪ ܓܲܢَܬܵܐ ܗ݇ܘܵܐ: ܘܐܵܡܪܵܗ̇ ܐܸܠܹܗ: ܐܵܓ̣ܵܝܝܼ: ܐܸܢ ܐܲܢَܬ ܫܩܸܠܘܼܟܼ ܐܸܠܹܗ: ܐَܡܘܿܪ ܐܸܠܝܼ ܐܲܝܟܵܐ ܡܘܼܬܒ̣ܘܼܗܝ ܝܘܸܬ: ܘܫܵܩܠܲܢܹܗ. 16ܐܵܡܸܪ ܐܸܠܵܗ̇ ܝܼܫܘܿܥ: ܡܲܪܝܲܡ. ܕܸܪܵܗ̇: ܘܐَܡܝܼܪܵܗ̇ ܐܸܠܹܗ ܒܠܸܫܵܢܵܐ ܕܥܸܒ̣ܪ̈ܵܝܹܐ: ܪܲܒܘܼܢܝܼ: ܕܐܵܬܹܐ ܠܹܐܡܵܪܵܐ: ܡܲܠܦܵܢܵܐ. 17ܐܵܡܸܪ ܐܸܠܵܗ̇ ܝܼܫܘܿܥ: ܠܵܐ ܕܵܩܪܲܬܝ ܒܝܼܝܼ: ܣܵܒܵܒ ܗܵܠܵܐ ܠܹܐ ܝܘܸܢ ܐܣܝܼܩܵܐ ܠܟܸܣ ܒܵܒܵܐ: ܐܝܼܢܵܐ: ܙܹܠَܐܝܼ ܠܟܸܣ ܐܵܚܘܿܢܘܵܬܝܼ̈: ܘܐَܡܘܿܪܝ ܐܸܠܵܝܗܝ: ܒܹܐܣܵܩܵܐ ܝܘܸܢ ܠܟܸܣ ܒܵܒܝܼ ܘܒܵܒܵܘܟ̣ܘܿܢ: ܘܐܲܠܵܗܝܼ ܘܐܲܠܵܗܵܘܟ̣ܘܿܢ. 18ܗ̇ܝܓܵܗ ܐَܬܹܐܠܵܗ̇ ܡܲܪܝܲܡ ܡܲܓ̣ܕܠܵܝܬܵܐ: ܘܡܘܼܫܚܸܕܠܵܗ̇ ܠܬܲܠܡܝܼܕܹ̈ܐ ܕܚܙܹܠܵܗ̇ ܠܡܵܪܲܢ: ܘܕܲܐܢܹܐ ܐَܡܝܼܪܹܗ ܐܸܠܵܗ̇. 19ܐܝܼܢܵܐ ܟܲܕ ܗَܘܹܐܠܹܗ ܪܲܡܫܵܐ: ܒܗ̇ܘ ܝܵܘܡܵܐ ܕܚܵܕَܒ̣ܫܹܒܵܐ: ܘܬܲܪ̈ܥܵܢܹܐ ܕܒܝܼܪܹܐ ܗ݇ܘܵܘ ܐܲܝܟܵܐ ܕܓ̰ܸܡܲܥܝܹܐ ܗ݇ܘܵܘ ܬܲܠܡܝܼܕܹ̈ܐ ܡ̣ܢ ܙܕܘܿܥܬܵܐ ܕܝܗَܘܼܕܵܝܹ̈ܐ: ܐَܬܹܐܠܹܗ ܝܼܫܘܿܥ ܘܟܠܹܐܠܹܗ ܒܓܵܘܵܝܗܝ: ܘܐَܡܝܼܪܹܗ ܐܸܠܵܝܗܝ: ܫܠܵܡܵܐ ܥܲܡܵܘܟ̣ܘܿܢ. 20ܐܵܗܵܐ ܐܡܸܪܗ: ܘܡܘܼܚܙܝܼܵܝܠܹܗ ܐܸܠܵܝܗܝ ܐܝܼܕܵܬܘܼ̈ܗܝ ܘܕܸܦܢܹܗ: ܘܚܕܹܐܠܗܘܿܢ ܬܲܠܡܝܼܕܹ̈ܐ ܕܚܙܹܐܠܗܘܿܢ ܠܡܵܪܲܢ. 21ܐܝܼܢܵܐ ܐَܡܝܼܪܹܗ ܐܸܠܵܝܗܝ ܡܸܢَܕܪܸܫَ ܝܼܫܘܿܥ: ܫܠܵܡܵܐ ܥܲܡܵܘܟ̣ܘܿܢ: ܕܵܐܟ̣ܝܼ ܕܫܘܼܕܪܸܢܹܗ ܒܵܒܝܼ: ܐܘܼܦ ܐܵܢܵܐ ܫܵܕܘܿܪܵܘܟ̣ܘܿܢ ܝܼܘܸܢ. 22ܘܟܲܕ ܐَܡܝܼܪܹܗ ܐܲܢܹܐ: ܢܦܸܚܠܹܗ ܒܝܼܵܝܗܝ: ܘܐَܡܝܼܪܹܗ ܐܸܠܵܝܗܝ: ܩܵܒܠܗܘܿܢ ܪܘܼܚܵܐ ܕܩܘܼܕܫܵܐ. 23ܐܸܢ ܫܵܒ̣ܩܝܼܬܘܿܢ ܚܛܝܼܵܬܹ̈ܐ ܠܐ݇ܢܵܫܹ̈ܐ: ܫܒ̣ܝܼܩܹܐ ܝܢܵܐ ܐܸܠܵܝܗܝ: ܐܸܢ ܕܵܒ̣ܩܝܼܬܘܿܢ ܕܐ݇ܢܵܫܹ̈ܐ: ܕܒ̣ܝܼܩܹܐ ܝܢܵܐ. 24ܐܝܼܢܵܐ ܬܐܘܿܡܵܐ: ܚܲܕَ ܡ̣ܢ ܬܪܸܥܣܲܪ: ܕܩܸܪܝܵܐ ܗ݇ܘܵܐ ܕܸܕܘܼܡܘܿܣ: ܠܹܐ ܗ݇ܘܵܐ ܥܲܡܵܝܗܝ ܟܲܕ ܐَܬܹܐܠܹܗ ܝܼܫܘܿܥ. 25 ܘܐܵܡܪܝܼ ܐܸܠܹܗ ܬܲܠܡܝܼܕܹ̈ܐ ܐ݇ܚܹܪ̈݇ܢܹܐ: ܚܙܹܐܠܲܢ ܠܡܵܪܲܢ. ܐܝܼܢܵܐ ܗ̇ܘ ܐَܡܝܼܪܹܗ ܐܸܠܵܝܗܝ: ܐܸܢ ܠܵܐ ܚܵܙܸܢ ܒܐܝܼܕܘܼ̈ܗܝ ܫܵܘܦܵܦܹ̈ܐ ܕܡܝܼܚܹ̈ܐ: ܘܕܵܪܸܢ ܒܝܼܵܝܗܝ ܨܸܒܥܵܬܝܼ̈: ܘܦܵܫܛܸܢ ܐܝܼܕܝܼ ܒܕܸܦܢܹܗ: ܠܹܐ ܗܲܡܸܢܸܢ. 26ܘܒܵܬَܪ ܬܡܵܢܝܵܐ ܝܵܘܡܵܢܹ̈ܐ ܡܸܢَܕܪܸܫَ ܠܓܵܘܵܝܝܼ ܗ݇ܘܵܘ ܬܠܡܝܼܕܹ̈ܐ ܘܬܐܘܿܡܵܐ ܥܲܡܵܝܗܝ. ܘܐَܬܹܐܠܹܗ ܝܼܫܘܿܥ ܟܲܕ ܕܒ̣ܝܼܪܹܐ ܬܲܪ̈ܥܵܢܹܐ: ܟܠܹܐܠܹܗ ܒܒܹܝܦܲܠܓܵܐ: ܘܐَܡܝܼܪܹܗ ܐܸܠܵܝܗܝ: ܫܠܵܡܵܐ ܥܲܡܵܘܟ̣ܘܿܢ. 27ܘܐَܡܝܼܪܹܗ ܠܬܐܘܿܡܵܐ: ܡܲܝܬَܝܼ ܨܸܒܥܘܼܟ ܠܲܐܟ̣ܵܐ: ܘܚܙܝܼ ܐܝܼܕܵܬܝܼ̈: ܘܡܲܝܬَܝܼ ܐܝܼܕܘܼܟ ܘܦܵܫܸܛ ܒܕܸܦܢܝܼ: ܘܠܵܐ ܗܵܘܸܬ ܠܵܐ ܡܗܘܼܡܢܵܐ: ܐܸܠܵܐ ܡܗܘܼܡܢܵܐ. 28ܘܓ̰ܘܼܘܸܒܠܹܗ ܬܐܘܿܡܵܐ ܘܐَܡܝܼܪܹܗ ܐܸܠܹܗ: ܡܵܪܝܼ: ܘܐܲܠܵܗܝܼ. 29ܐܵܡܸܪ ܐܸܠܹܗ ܝܼܫܘܿܥ: ܣܵܒܵܒ ܕܚܙܹܠܘܼܟܼ ܐܸܠܝܼ: ܗܘܼܡܸܢܘܼܟ: ܛܘܼܒ̣ܵܐ ܠܐܵܢܝܼ ܕܠܵܐ ܚܸܙܝܸܢܗܘܿܢ ܘܗܘܼܡܸܢܘܿܢ. 30ܘܪܵܒܵܐ ܢܝܼܫܲܢܩܹ̈ܐ ܐ݇ܚܹܪ̈݇ܢܹܐ ܥܒܸܕܠܹܗ ܝܼܫܘܿܥ ܩܵܕَܡ ܬܲܠܡܝܼܕܘܼ̈ܗܝ: ܐܵܢܝܼ ܕܠܹܐ ܝܢܵܐ ܟܬܝܼܒܹܐ ܓܵܘ ܕܐܵܗܵܐ ܟܬܵܒ̣ܵܐ. 31ܐܝܼܢܵܐ ܐܲܢܹܐ ܟܬܝܼܒܹܐ ܝܢܵܐ: ܕܗܲܡܝܼܢܝܼܬܘܿܢ ܕܝܼܫܘܿܥ ܝܼܠܹܗ ܡܫܝܼܚܵܐ ܒܪܘܿܢܹܗ ܕܐܲܠܵܗܵܐ: ܘܐܝܼܡܲܢ ܕܗܘܼܡܸܢܵܘܟ̣ܘܿܢ: ܗܵܘܝܼ ܠܵܘܟ̣ܘܿܢ ܒܫܸܡܹܗ ܚܲܝܹ̈ܐ.